Escola de Comoxo (CEIP Pazos-Comoxo, Boiro): O ENTROIDO

ESCOLA DE COMOXO

Recollemos neste apartado algunhas imaxes dos disfraces de Entroido nestes últimos cursos. Grazas aos pais, sobre todo ás nais pola súa colaboración cos disfraces e coas larpeiradas que preparan.

ENTROIDO 2017

Algunha vez na escola pintámola mona e facemos o indio, entonces aproveitamos a ocasión para ir disfrazados de indios de verdade: cherokes, comanches, apaches, navajos, sioux, etc. Pola tarde, como de costume, cada un veu disfrazado do que quixo e fixemos a típica merendola que compartimos cos excompañeiros que agora van ao cole de Boiro.

ENTROIDO 2016

Este ano quixémoslle facer unha pequena homenaxe ás nosas vacas polo papel que desempeñaron na economía agraria galega. Ademais de producir boa leite, carne saborosa, esterco para estercar as leiras, pel dura para facer zocos, tamén se usaban como animais de tiro; de carros, arados, etc. Durante anos foron desprazadas por vacas leiteiras importadas doutros países pero actualmente en moitas explotacións gandeiras galegas están volvendo a ocupar o lugar que lles corresponde.

Para ver máis disfraces do Entroido 2016 piquen aquí.

ENTROIDO 2015

Este curso, na escola fixemos disfraces de flores de distintas cores (coma un bonito xardín en primavera). Tamén contamos coa axuda da profe Paula que nos deseñou orixinais traxes de esquimós, holandeses e mexicanos que logo pintamos ben pintadiños e fixemos fotos con cada un deles. O venres pola tarde cada neno veu disfrazado da súa casa con traxes de personaxes ben pintorescos, e logo fixemos unha merendola con productos típicos do entroido e recibimos a visita dalgúns excompañeiros nosos e que agora están nos colexios de Boiro.
Se nos queredes ver disfrazados picade nos seguintes enlaces:

Disfrazados de esquimós. Picar aquí. Disfrazados de holandeses. Picar aquí.

Disfrazados de mexicanos.Picar aquí. De flores e cos nosos disfraces. Picar aquí.

ENTROIDO 2014

Este ano queremos facer unha pequena homenaxe á xente que traballa na Cruz Vermella polo gran labor social que realizan por todo o mundo. Por iso imos disfrazados de enfermeiros.

O venres pola tade cada neno pode ir disfrazado do que queira. Tamén facemos unha boa "comilona" con productos típicos do entroido e outras lambetadas que preparan as nais.